Luis Suares oo seegi doona ciyaarta qarankiisu la leeyahay Brazil

Xulka qaranka Uruguay ayaa shaaciyay in laacibka weerarka uga ciyaara xulka qarankiisa ee Luiz Suares uu seegi doono ciyaarta dalkiisu uu la leeyahay kooxda xulka Brazil sabab la xidhiidha Korona.

Xulka qaranka Uruguay ayaa sheegay in laacibka baadhis lagu sameeyey kaddib laga helay xanuunka Korona, waxana bartooda ay ku leeyihiin Twitterka ay ku sheegeen saddex ka mid ah laacibiinta xulka qaranka Uruguay laga helay Korona. Warka ayaa waxa uu naxdin ku noqonayaa kooxda uu u ciyaaro Suares ee Atletico Madrid oo shan maalmood kaddib ciyaar aad u adag la leh kooxdii uu markii hore ka yimi ee Barcelona. Dhanka kale waxa xulka qaranka Uruguay ay sheegeen in Suares uu ka maqnaan doono ciyaarta Uruguay iyo Brazil oo berri subaxa ay labada dal iska hor imanayaan waxana ay ka mid tahay ciyaartaasi isreebreebka koobka adduunka ee 2022.

P
Somali Score

FREE
VIEW